Co y cio­dí aste pa bele da möt/a chi­rí fora to stromënt?
Can­che i á tut la dezi­jun da soné le cun­tra­bas âi plü o man­co 8 agn. I fô cun mi geni­turs a n con­zert di Titlà y fora de nia ai mostré cun le dëit sön le cun­tra­bas y á dit. “Mama, chësc oi soné”. Bonamën­ter ne savoi gnan­ca avi­sa ci strumënt che al ê, mo al á trat la mia aten­zi­un y tosc dedô ai metü man mi per­curs da cun­tra­ba­sis­ta cun Hans­pe­ter Nocker tla sco­ra de müji­ga de Eppan.

A pert la musi­ga, ciü­na é pa tüa maiú pasciun?
Öna dles mies maje­res pasci­uns é les munts. Chës­ta pasci­un me é gnüda passa­da inant da mi pere. Bele da pice­res sun stá dër tröp tla natöra y sö por munt; ince cun le CAI (Club alpi­no ita­lia­no) ai podü conë­s­ce tröc trus y trö­pes pizes. Le chit y la belë­za dla natöra me incan­tëia vigni iade te n’atra mani­ra, anfat sce i sun da sora o te compagnia.

Ci fajes­ses­te pa tö, sce ne te fos­ses nia n musi­zist? 
Por me la cos­sa plö bela é soné adöm cun d’atres por­so­nes, comu­ni­ché tres melo­dies, ritms y dina­mi­ches y che­rié adöm na sto­ria da podëi cun­té al publich. Al me fej vigni iade de mor­vëia odëi ci emo­zi­uns ster­sci­es y ci lians che an pó fa nas­ce sën­za parores.

Ci fej pa fora n „con­zert perfet“?
La cos­sa plö importan­ta é se dever­tí y avëi ligrë­za da fá aldí ala jënt ci che an á arji­g­né ca.
Spo mes­sun dé impor­tën­za a vigni nota y a vigni pal­sa, ciudi­che ince les pal­ses fej pert dla müji­ga y nia doss ester soné “a cajo” o cun man­co valur; an ne dess nia mes­sëi pon­sé a vigni sin­go­la nota o ai atri ele­mënc dla par­ti­töra, che mess­ass döc ester gnüs inte­rio­risá. Ide­al­mën­ter mess­as­sun i sën­tí te vigni zelu­la de nosc corp, inci­na tles pizes de nösc deic (ince ti deic di pisc) y podëi insciö avëi bun en mënt la sto­ria che an ó cun­té y les emo­zi­uns che an ó tras­më­te al publich.

Ci fajes­ses­te pa tö, sce te fos­ses n musizist?
Sce i ne ess nia chi­rí fora da gní na musi­cis­ta, me essi de jö cun l’ert; plü des­si­gü essi metü man da stu­dié design.  Al me sá bel da sog­hé cun la crea­ti­vi­té y che­rié nöies cos­ses cun vigni sort de material.

Ci apri­jëies­te pa le plü de Südtirol?
Öna dles cos­ses che i apri­jëii dër de Süd­ti­rol é la natöra. I sun dër cun­tën­ta da vir te n te bel post ola­che i me pó gode  les munts, i lec, le frëit, le cialt, la nëi, la plö­ia y le sorëdl.  Döt l’ann ala lun­gia pita la natöra trö­pes oca­ji­uns por vigni sort de ati­vi­tes y de aven­tö­res. Le Süd­ti­rol é n post de con­trast, nia ma tla natöra, mo ince tla popola­zi­un. I trëi grupc lin­gu­i­stics — todësch, tali­an y ladin — á na süa sto­ria y cara­te­risti­ches y usan­zes des­va­lies, y ai vir adöm, datrai l’un dlun­gia l’ater, datrai l’un cun l’ater. Chës­ta diver­si­té de cul­tu­ra y lin­gaz é na richë­za par­ti­co­la­ra che me plesc dër y che i ne oress mai avëi mancia.