KATIA MOLING
La Valle
VIOLA
Co y ciodí aste pa bele da möt/a chirí fora to stromënt?
Canche i â 17 agn sunai bele la vidora da almanco 10 agn y dan n conzert éle ste na violista che me á lascé purvé so strumënt y al m’á atira salpü beliscimo. Purchël ai tut la dezijiun de mët man de soné la viola.
A pert la musiga, ciüna é pa tüa maiú pasciun?
Do la musiga é mia pasciun plü grana la natüra y fá iadi, imparan a conësce la varieté de cultures.
Ci é pa le plü bel da ester n musizist?
Al é beliscimo pudëi vire de mia pasciun y sintí de podëi comuniché cun le lingaz universal che é la musiga.
Ci fej pa fora n „conzert perfet“?
N conzert perfet é, canche ala fin se sëntun sciöche an foss stá te na atra dimenjiun, deache la cualité musicala y la comunicaziun dla musiga é tan bunes, da fá vire ma le presënt y desmentié düt ci che é incëria.
Chësc talënt n’oresson nia dí che t’as?
Al me sa dër bel da depënje.
Ci aprijëieste pa le plü de Südtirol?
La natüra de Südtirol é dër bela y an mangia bun.
Te ciügn Paisc dl monn aste pa bele tigní conzerc?
I á albü l’ocajiun de soné te tröc stac europeics: Italia, Austria, Belgio, Luxemburg, Schweiz, Francia, Ungheria, Serbia, Grecia y Ucraina.
KATIA MOLING
La Valle
VIOLA
Co y ciodí aste pa bele da möt/a chirí fora to stromënt?
Canche i â 17 agn sunai bele la vidora da almanco 10 agn y dan n conzert éle ste na violista che me á lascé purvé so strumënt y al m’á atira salpü beliscimo. Purchël ai tut la dezijiun de mët man de soné la viola.
A pert la musiga, ciüna é pa tüa maiú pasciun?
Do la musiga é mia pasciun plü grana la natüra y fá iadi, imparan a conësce la varieté de cultures.
Ci é pa le plü bel da ester n musizist?
Al é beliscimo pudëi vire de mia pasciun y sintí de podëi comuniché cun le lingaz universal che é la musiga.
Ci fej pa fora n „conzert perfet“?
N conzert perfet é, canche ala fin se sëntun sciöche an foss stá te na atra dimenjiun, deache la cualité musicala y la comunicaziun dla musiga é tan bunes, da fá vire ma le presënt y desmentié düt ci che é incëria.
Chësc talënt n’oresson nia dí che t’as?
Al me sa dër bel da depënje.
Ci aprijëieste pa le plü de Südtirol?
La natüra de Südtirol é dër bela y an mangia bun.
Te ciügn Paisc dl monn aste pa bele tigní conzerc?
I á albü l’ocajiun de soné te tröc stac europeics: Italia, Austria, Belgio, Luxemburg, Schweiz, Francia, Ungheria, Serbia, Grecia y Ucraina.
BIOGRAFIA
Katia Moling á metü man da soné la vidura cun 6 agn y cun 17 agn ara metü man le stüde dla viola. Dal 2006 al 2009 ara soné sides la vidura che la viola pro la ”Orchestra Giovanile dell’Alto Adige”.
Tl 2014 ara studié viola tl Koninklijk Conservatorium Brussel sot ala guida dl maester Paul de Clerck.
Tl 2015 s’ára diplomé de viola cun le mascimo resultat tl conservatore “L.Cherubini “ de Firenze, sot ala guida dl maester A. Vismara.
Ara á frecuenté por dui agn le curs anual de perfezionamënt alt por strumënc d’archët tla Accademia “W. Stauffer” de Cremona, tigní dal maester Bruno Giuranna.
Ara á fat le curs de perfezionamënt de viola sot ala guida dl maester Jörg Winkler. Dal 2017 al 2020 éra stada secunda Viola dla Orchestra Giovanile Luigi Cherubini de Riccardo Muti.
Ara á partecipé a deplü Jazzfestival, anter chisc, a Jazz Supreme y Young Jazz festival.
Cun so fre percusionist Jan Moling formëira le duo “Gota”.
Ara á soné y sona cun orchestres desvalies, danter chëstes Teatro dell’Opera di Roma, Camerata Strumentale di Prato, Orchestra Filarmonica del Teatro Comunale de Bologna.
BIOGRAFIA
Katia Moling á metü man da soné la vidura cun 6 agn y cun 17 agn ara metü man le stüde dla viola. Dal 2006 al 2009 ara soné sides la vidura che la viola pro la ”Orchestra Giovanile dell’Alto Adige”.
Tl 2014 ara studié viola tl Koninklijk Conservatorium Brussel sot ala guida dl maester Paul de Clerck.
Tl 2015 s’ára diplomé de viola cun le mascimo resultat tl conservatore “L.Cherubini “ de Firenze, sot ala guida dl maester A. Vismara.
Ara á frecuenté por dui agn le curs anual de perfezionamënt alt por strumënc d’archët tla Accademia “W. Stauffer” de Cremona, tigní dal maester Bruno Giuranna.
Ara á fat le curs de perfezionamënt de viola sot ala guida dl maester Jörg Winkler. Dal 2017 al 2020 éra stada secunda Viola dla Orchestra Giovanile Luigi Cherubini de Riccardo Muti.
Ara á partecipé a deplü Jazzfestival, anter chisc, a Jazz Supreme y Young Jazz festival.
Cun so fre percusionist Jan Moling formëira le duo “Gota”.
Ara á soné y sona cun orchestres desvalies, danter chëstes Teatro dell’Opera di Roma, Camerata Strumentale di Prato, Orchestra Filarmonica del Teatro Comunale de Bologna.
