DAVID CRAFFONARA
Badia
CUNTRABAS
Ci te sá pa le plü bel da ester n musizist?
Le plü bel da ester n musizist me sá da podëi ester te deplü perts dl monn a fá musiga deboriada cun porsones nöies.
Ci sort de musiga ascuteste pa a ciasa?
A ciasa ascuti deplü sorts de musiga, da musiga classica a rock y progressive metal. I sun davert a de vigni sort de musiga, sc’ara vëgn fata cun pasciun y cualité.
Ci aprijëieste pa deplü de Südtirol?
De Südtirol me sá dër bela la natöra y la contrada y i aprijëii dassënn süa cultura culinaria de cualité. Ince podëi comuniché te trëi lingać é na cossa de gran valur.
Ciüna é pa fora dla musiga tüa majera pasciun?
Te mi tëmp lëde rodi ion le monn cun mi bus VW. Conësce manires da vire nöies y descurí posć nüs me dá dër tröp y me porta inant tla vita.
DAVID CRAFFONARA
Badia
CUNTRABAS
Ci te sá pa le plü bel da ester n musizist?
Le plü bel da ester n musizist me sá da podëi ester te deplü perts dl monn a fá musiga deboriada cun porsones nöies.
Ci sort de musiga ascuteste pa a ciasa?
A ciasa ascuti deplü sorts de musiga, da musiga classica a rock y progressive metal. I sun davert a de vigni sort de musiga, sc’ara vëgn fata cun pasciun y cualité.
Ci aprijëieste pa deplü de Südtirol?
De Südtirol me sá dër bela la natöra y la contrada y i aprijëii dassënn süa cultura culinaria de cualité. Ince podëi comuniché te trëi lingać é na cossa de gran valur.
Ciüna é pa fora dla musiga tüa majera pasciun?
Te mi tëmp lëde rodi ion le monn cun mi bus VW. Conësce manires da vire nöies y descurí posć nüs me dá dër tröp y me porta inant tla vita.
BIOGRAFIA
David Craffonara (nasciü tl 1984 a Porsenú; chersciü sö a Badia; atualmënter aciasé a Turic, Svizera) á arjunt le diplom de cuntrabas tl conservatore «C. Monteverdi» a Balsan tl 2012, cun le maester Sante Braia.
Dal 2013 al 2014 ál aprofondí so stüde dl cuntrabas tla «Musikkhøgskole NMH» a Oslo cun le maester Dan Styffe, dilan a n stipendium ch’al á davagné. So tru artistich l’á condüt tl 2016 a Turic, tla Svizera, olach’al á perfezioné so stüde cun le prof. Duncan McTier, cina tl 2018.
Craffonara á tut pert a deplü master class, danter ater cun Dorin Marc, Gabriele Ragghianti, Thierry Barbé, Alberto Bocini y Wies de Boevé.
Tröpes é stades les colaboraziuns cun orchestres renomades: Orchestra Giovanile Italiana OGI (2 tournée tla Talia), Orchestra Monteverdi, Orchestra Haydn Bolzano, NRK Norwegian Radio Orchestra.
Dal 2014 inant sonel regolarmënter tl’orchestra da ciamena «Innstrumenti» a Desproch.
Tl 2018 ál tut pert ala tourneé svizera dl «Broadway Varieté» cun 111 conzerc te 7 mëisc.
Pro le cuntrabas sonel ince le bas eletrich te deplü formaziuns de musiga rock y pop.
Dal 2022 inant él mëmber dl’orchestra da ciamena «Festival Chamber Orchestra Zürich» a Turic.
Al é ince mëmber dl’assoziaziun «Badia Events» che organisëia conzerc rock, sciöche le Badia Rocks Festival.
BIOGRAFIA
David Craffonara (nasciü tl 1984 a Porsenú; chersciü sö a Badia; atualmënter aciasé a Turic, Svizera) á arjunt le diplom de cuntrabas tl conservatore «C. Monteverdi» a Balsan tl 2012, cun le maester Sante Braia.
Dal 2013 al 2014 ál aprofondí so stüde dl cuntrabas tla «Musikkhøgskole NMH» a Oslo cun le maester Dan Styffe, dilan a n stipendium ch’al á davagné. So tru artistich l’á condüt tl 2016 a Turic, tla Svizera, olach’al á perfezioné so stüde cun le prof. Duncan McTier, cina tl 2018.
Craffonara á tut pert a deplü master class, danter ater cun Dorin Marc, Gabriele Ragghianti, Thierry Barbé, Alberto Bocini y Wies de Boevé.
Tröpes é stades les colaboraziuns cun orchestres renomades: Orchestra Giovanile Italiana OGI (2 tournée tla Talia), Orchestra Monteverdi, Orchestra Haydn Bolzano, NRK Norwegian Radio Orchestra.
Dal 2014 inant sonel regolarmënter tl’orchestra da ciamena «Innstrumenti» a Desproch.
Tl 2018 ál tut pert ala tourneé svizera dl «Broadway Varieté» cun 111 conzerc te 7 mëisc.
Pro le cuntrabas sonel ince le bas eletrich te deplü formaziuns de musiga rock y pop.
Dal 2022 inant él mëmber dl’orchestra da ciamena «Festival Chamber Orchestra Zürich» a Turic.
Al é ince mëmber dl’assoziaziun «Badia Events» che organisëia conzerc rock, sciöche le Badia Rocks Festival.
